ទីក្រុងបាងកក/23 ខែមីនា 2020 - ក្រុមហ៊ុនអាកាសចរណ៍បាងកក សាធារណៈលីមីធីត សូមប្រកាសពីការបិទជាបណ្ដោះអាសន្ននូវកន្លែងអង្គុយរង់ចំានៅព្រលានយន្តហោះសុវណ្ណភូមិ និងព្រលានយន្តហោះផ្សេងទៀត ដើម្បីបង្ការការសាយភាយ និងកាត់បន្ថយហានិភ័យដែលអាចមានចំពោះការប៉ះពាល់ទៅលើមេរោគណូវែលកូរ៉ូណា (កូវីដ-19) ចាប់ពីថ្ងៃទី 1 ខែមេសា 2020 រហូតដល់មានការជូនដំណឹងបន្ថែម។
កន្លែងអង្គុយរង់ចាំរបស់ក្លឹបប៊្លូ រីប៊ន (Blue Ribbon), កន្លែងអង្គុយរង់ចាំនៅប៊ូទីក (boutique lounge), កន្លែងអង្គុយសមគួរនៅកាច់ជ្រុង និងបញ្ជរផ្សេងៗរបស់ក្រុមហ៊ុនអាកាសចរណ៍បាងកក នឹងត្រូវបានបិទជាបណ្ដោះអាសន្ន ដែលរួមមានកន្លែងអង្គុយរង់ចាំនៅទីកន្លែងទាំងនេះ; អាកាសយានដ្ឋានសុវណ្ណភូមិ, អាកាសយានដ្ឋានសាមុយ, អាកាសយានដ្ឋានសុខោទ័យ, អាកាសយានដ្ឋានត្រាត, អាកាសយានដ្ឋានអន្តរជាតិឈៀងម៉ៃ, អាកាសយានដ្ឋានអន្តរជាតិភូកេត, អាកាសយានដ្ឋានអន្តរជាតិមែហ្វាហ្លួង ឈៀងរ៉ៃ, ព្រលានយន្តយោះអន្តរជាតិក្រាប៊ី, អាកាសយានដ្ឋានមែហុងសុន, អាកាសយានដ្ឋានឡាំប៉ាង, អាកាសយានដ្ឋានអន្តរជាតិឧ-តាប៉ាវ រ៉ាក់យ៉ង-ប៉ាតតាយ៉ា,អាកាសយានដ្ឋានអន្តរជាតិភ្នំពេញ (ប្រទេសកម្ពុជា) និងអាកាសយានដ្ឋានអន្តរជាតិ ហ្លួងព្រះបាង (ប្រទេសឡាវ)។
សម្រាប់អ្នកដំណើរដែលបានទិញការដំឡើងជំនាន់កន្លែងរង់ចាំប្រភេទជំនួញ សូមទាក់ទងមជ្ឈមណ្ឌលហៅទូរស័ព្ទទៅលេខ 1771 ឬ +662-270-6699 (24 ម៉ោង) ឬការិយាល័យលក់សំបុត្ររបស់ក្រុមហ៊ុនអាកាសចរណ៍បាងកកនៅទូទាំងប្រទេស និងនៅក្រៅប្រទេស ដើម្បីទទួលយកប្រាក់បង្វិលវិញ។
ក្រុមហ៊ុនអាកាសចរណ៍បាងកកសុំអភ័យទោសចំពោះការរំខានណាមួយដែលអាចកើតមានឡើង។ ក្រុមហ៊ុនអាកាសចរណ៍បានប្រឹងប្រែងតាមគុណតម្លៃរបស់ខ្លួនក្នុងការផ្ដល់អាទិភាពចំពោះសុខភាព និងសុវត្ថិភាពរបស់អ្នកដំណើរ និងបុគ្គលិក។ ក្រុមហ៊ុននឹងបន្តអនុវត្តវិធានការបង្ការទុកជាមុនយ៉ាងតឹងរ៉ឹងប្រឆាំងនឹងមេរោគណូវែលកូរ៉ូណាវីរុស (កូវីដ-19)។
